Bizkaiko sektore aeronautikoa balio erantsi handiko sektore dinamiko eta lehiakorra da. Horrela, erreferentziako enpresak ditu sektorearen abangoardian.

Sektore aeronautikoaren garapena Bizkaian.

Bizkaiak garapen ekonomikoaren eragile gisa lan egiten du 60ko hamarkadatik sektore aeronautikoan. Enpresek eta erakundeek Bizkaiko industria-krisian hartutako konpromisoak eta agertutako borondateak etorkizuneko jarduera ekonomiko berriak sustatzeaz gain, aldaketa handia ere ekarri zuten. Horren ondorioz, sektore aeronautikoa garapen ekonomikoaren eragile nagusietako bat da.

Sektore estrategikoa da Bizkaiko ekonomian eta enpresa-egituran, bai balio erantsi handiko produktuen garapenarengatik, bai prestakuntza handiko enplegua sortzeagatik.

Sektorean 64 enpresa, ikerketa- eta garapen-zentro bat eta I+G+b korporatiboko lau unitate daude. Sektoreko enpresen fakturazioa 2.457 milioi euro da eta 2.600 langile ditu Bizkaian.

Bere nazioartekotze eta kanpo harremanen maila handia da: 175 egoitza ditu nazioartean, sektorearen esperientziak eta jarduerak, hornitzaileen pilatze maila handiak eta teknologia eta I+G proiektu garrantzitsuek lagunduta.

Erresuma Batua, Alemania eta Frantzia dira esportazioen helmuga nagusiak; sektoreko esportazioen % 50 baino gehiago egiten dituzte.

Nabarmentzen da CFAA Fabrikazio Aurreratu Aeronautikako Zentroa. Harreman eredu berria da merkatuari erreparatzen dion ikerketa aplikatuko mailetan. Eusko Jaurlaritzak eta Bizkaiko Foru Aldundiak sustatu eta finantzatzen dute.

Jakin ezazu zein diren Bizkaian sektore aeronautikoko enpresa garrantzitsuenak.

  • ITP
  • SENER
  • Aciturri
  • Novalti