Bizkaiko automobilgintzako osagaien sektorea besteak beste, eraginkortasunarengatik, lehiakortasunarengatik, berrikuntzarengatik eta kudeaketa-maila aurreratuengatik nabarmentzen da.

Ezagutu zein diren Bizkaiak mugikortasunaren arloan dituen indarguneak

Bizkaia da, bolumenari dagokionez, mugikortasunaren alorrean Europar Batasuneko ekoizle nagusienetako bat, eta hornitzaile kualifikatuen sare sendoa du 300 km-tik beherako erradioan.

Espainiako automobilgintzako ekoizpen-bolumenaren % 45 baino gehiago Euskadin ekoizten da.

Guztira, 18.000 milioi euro baino gehiago fakturatzen dituzten 300 enpresaz osatuta dago, eta Bizkaian 40.000 pertsona baino gehiagori ematen die enplegua.

Bere jarduera-esparruan munduko liderrak diren enpresa eragile garrantzitsuak daude Bizkaian, eta sektore multinazionalez gain, industriaren multzoari eta haren jatorrizko erakundeei balioa ematen dieten lehia-zentro garrantzitsuak ditu.

Bizkaiko automobilgintza-sektoreko enpresek balio-kate osoa barne hartzen ditu, hala nola altzairu-fabrikatzaileak, ekipamendu-ondasunen fabrikatzaileak edo makina-erremintako ekoizleak, matrizegileak eta mekanizatzaileak, unibertsitateak, ikerketa-zentroak, aholkularitza eta ingeniaritza enpresak. Eta ibilgailuaren eginkizun guztietan parte hartzen du: Drivetrain, Powertrain eta barruko elementuak.

Gaur egun, Bizkaian kokatuta dagoen automobilgintzaren sektoreak nazioarteko 284 ekoizpen-fabrika ditu, funtsean garatzeko bidean dauden merkatuan, hala nola Europako ekialdea, Brasil, Mexiko edo Txina.

Ahalmen teknologikoari dagokionez, enpresen % 70ek I+G+b sailak dituzte, eta jarduera horietarako bideratutako batez besteko fakturazio-ehunekoa % 5ekoa da. Bestalde, datozen urteetan hazkunde iraunkorrak aurreikusi dira.

Sektorean AIC-Automotive Intelligence Center zentro berria nabarmentzen da, balioa sortzen duen gune bakar gisa, sektorea arlo hauetan lankidetzan aritu dadin: ezagutza sortzea, prestakuntza, teknologia edo industria-garapena.

Ezagutu Bizkaian automobilgintzako sektorean dauden enpresa garrantzitsuetako batzuk

  • Gestamp
  • CIE Automotive
  • Maier
  • Batz
  • Cikautxo

Bizkaian mugikortasunaren sektorean diharduten enpresa globalak

  • Bridgestone
  • ZF Sach
  • GKN Driveline