Gaztelugatxeko Doniene, leku paregabea, Bizkaiko kostaldeko itsasargia.

Gaztelugatxeko Doniene Bizkaiko itsasargia da. Gure kostaldean, bizkaitarrek maitasun berezia diogu leku horri, eta munduko leku guztietako 3.000 pertsona baino gehiago hartzen ditu egunero; hori dela eta, lurraldeko leku bisitatuenetako bat da.

Harro egoteko modukoa da Bizkaiarentzat Gaztelugatxeren eta gure kostaldearen edertasuna partekatzea, baina horrek esan nahi du, halaber, hura zaindu eta babestu behar dugula eta ziurtatu behar dugula haren oreka ez dela aldatuko eta haren xarma bere horretan mantenduko dela, gozatzen jarraitu ahal izan dezagun eta hurrengo belaunaldiek ere goza dezaten.

Proiektuaren egoera Gaztelugatxeko Donienen.

Martxoan tiketing zerbitzua jarriko da martxan sarbidea mugatzeko eta ingurunea babesteko, eta Bizkaibus zerbitzua indartuko da Bermeotik eta Bakiotik San Joseko zubian, Aste Santuan eta maiatzaren 1ean.

Bermeo, Matxitxako eta Gaztelugatxe lotzeko proiektua ere martxan jarri da, 2020ko udazkenean hasiko diren obrak egingo dituen pasealeku berde baten bidez.

Gaztelugatxeko Doniene: zer eta zergatik.

Ekimen hau hainbat proiektuk osatzen dute, turismo-esperientzia hobetzeko, Bizkaiko kostalde osora zabaltzeko eta, batez ere, oreka zaintzeko eta babesteko.

Helburu horrekin, honako neurri hauek jarri dira abian edo aurreikusita daude:

• Bermeo, Matxitxako eta Gaztelugatxe kostaldetik batuko dituen pasealeku berde bat.
• Tiketing zerbitzua eta pertsonen kontagailua.
• Inguruko mugikortasuna eta segurtasuna hobetzeko neurriak: Bermeotik eta Bakiotik BIZKAIBUSen zerbitzua indartzea; Matxitxakon autobusen bira errazteko biribilgune berri bat; edo Gaztelugatxerako sarbidea ematen duen errepideko bide-segurtasuna hobetzea.

Zer lortuko da?

• Bermeo eta Gaztelugatxe arteko pasealeku berdea beste turismo-proposamen bat da, Bizkaiko kostaldearen naturaz eta edertasunaz ahalik eta modu jasangarrienean eta errespetuzkoenean gozatzeko aukera emango duena.
• Tiketing-zerbitzuak 3.024 bisiten muga ezarriko du baselizara jende gehien biltzen den egunetan.
• Bizkaibus zerbitzua indartzeak Gaztelugatxerako sarbidea erraztea du helburu, ibilgailu pribatuaren erabilera murriztuz.
• Gaztelugatxeko Donieneko errepidearen segurtasuna hobetzeko, seinale bertikalak hobetu dira, eta, segurtasunagatik, aparkatzea debekatuta dagoen lekuak markatu dira.

Gaztelugatxeko Donieneren proiektuaren epeak.

Orain arte 6,7M euroko inbertsioa egin da, eta 2020ko martxoan jarri zen martxan ticketing zerbitzua. Era berean, 2020an garraio publikoaren zerbitzua indartuko da Bizkaibusen bidez, eta pasealeku berde bat jartzeko lanei ekingo zaie.