Leku paregabea, inbertitzeko eredu egonkor eta errentagarria bilatzen baduzu

Bizkaiak krisi handiak utzi ditu atzean historian zehar, eta gainera, indartuta atera da behin eta berriz, ekonomia-jardueraren gune gisa, eta baita gizarte gisa ere. Beti aurrera. Aurrera!, euskaraz esaten dugun moduan.

XIX. mendearen erdialdetik industria eraldaketa bat bizi izan zuen burdinaren inguruan, eta horren ondorioz, munduko ekonomia-erreferentzia bihurtu zen XX. mendearen hasieran: burdina-inportazio britainiarren bi herenak Bizkaitik, gure meatzetatik, etortzen ziren.

XX. mendeko 80ko eta 90eko hamarkadetan industria-birmoldaketa gertatu zen, eta horrek Bizkaiko ekonomia eta hiri ereduaren aldaketa sakona ere ekarri zuen. Euskalduna de Construcción y Reparación de Buques izeneko konpainiak lan egiten zuen tokian, gaur egun, Bilboko Guggenheim Museoa kokatuta dago, urtero mundu osotik etorritako 1,2 milioi bisitari baino gehiago dituena.

Bi natura-hondamendiri inoiz baino indar handiagoarekin egin die aurre, hala nola, 1983ko abuztuan Bizkaia osoa urez estali zuten uholdeei. Hiriburuan, Bilbon alegia, hiru metroko altuerara heldu zen ur maila. Handik hamar urtetara besterik ez, 1985. urtean, Metroak nabarmen hobetu zituen Bizkaiko eskualde eta udalerrien arteko loturak, hiriburuko lurpetik abiatuz.

Bizkaiak azpiegitura berri, jarduera ekonomiko berri, ekoizpen aldaketa, gizarte-eredu berri eta hazteko aukera bihurtu ditu beti zailtasun aldiak, Estatuko zein nazioarteko bazkideekin partekatuz.

Bizkaia gizarte trinko gisa hazi da, bizi-kalitate estandar handirekin; Europako positiboenen artean dago. Gizarte seguru, egonkor eta modernoa da. Eskualdeak eta udalerriak eraginkortasunez lotuta daude euren artean, eta baita nazioartean ere.

Bizkaia gaur egun: inbertitzeko aukera ekonomikoen gunea

Zuzeneko eragin ekonomikoa duten arau-mekanismoak ditu, hala nola berezko fiskalitatea eta legeak ezartzeko gaitasuna, parlamentuaren bidez.

Nortasun historiko, sozial eta kultural bereizgarria, aukera ekonomikoak, inbertitzekoak eta Bizkaian hazi diren eta Bizkaiarekin hazten jarraitzen duten mundu osoko enpresak ezartzeko aukerak sortzeak duen garrantziari erreparatuz betiere.

Eta etorkizunari ere begiratzen dio, munduko osasun krisia dela eta sortu den gaur egungo ziurgabetasun osoko egoeraren aurrean.

Ikuspegi estrategiko baten indar eta argitasun berdinarekin. Bere proiektuetan eta eskaintzen dituen aukera ekonomikoetan eta inbertitzeko aukeretan uste osoa izanez.

Bizkaiak inbertitzeko aparteko aukerak eskaintzen ditu, mundu osoarekin partekatzekoak. Horiek ezagutzera gonbidatuta zaude.

Bizkaia, Bizkaiak hobetzen jarraitzen du, aukera ekonomiko eta inbertitzeko aukera berriak sortuzsuperación continua convertida en oportunidades económicas y de inversión